ඉබ්බෙක් ගැන දිගටම ලිවීමෙන් කට්ටියට ජෝං බාස්ගේ බ්ලොගය බෝරිං වීමට ඉඩ ඇති නිසා මේ පාර ටිකක් වෙනස් විදිහෙ සිද්දියක් ගැන ලියන්න තමයි මං හිතුවෙ. කලිං ලියපු සිද්දි දෙක වගේම මේකත් කැම්පස් එකට අඩිය තිබ්බ හැටියෙම වගේ වුන සිද්දියක්.
මේ කාලෙදි විශ්ව විද්‍යාලෙට ආපු නවකයො වෙච්ච අපිට ආපුම අලුත නිසා ආගන්තුක දෙවල් බොහොමයක් දිනපතාම වගේ අහන්න දකින්න වගේම ඉගෙන ගන්නත් ලැබුනා. කැම්පස් එකේ උප සංස්කෘතියට අයිති අපි නොදන්නා බොහොමයක් දේවල් දැනගත්තෙ මේ කාලෙදි. නමුත් අහන්න ලැබුන විවිධ තොරතුරැ අතරෙ ඇත්ත වගේම බොරැත් ගොඩක් තිබුනා.
දවසක් කැන්ටිමේ කෑම කන අතරෙදි ගුරෑප් එකේ රෙපා හෙවත් කන්ඩායමේ නියෝජිතයා මගින් ලැබුනෙ අමුතුම ජාතියෙ අලුත් ආරංචියක්. මේ වෙලාවෙ සමහරැන් කන්න ගත්ත බත් කට අතරමග නතර කරන් මේ ආරංචියට ඇහුම්කන් දුන්නා, තවත් සමහරැ ගිලපු බත් කට උගුරෙ හිරකර ගත්තා.......... එවෙලෙ දැනගන්න ලැබිච්ච දේ ඒ තරම්ම හිත කීරි ගස්සන සුලු එකක්.
මේ අලුත් ආරංචියෙ හැටියට කැම්පස් එකට ආපු අලුත් ශිෂ්‍ය කන්ඩායම ඉදිරි සති කීපය තුල කැම්පස් එක ඇතුලෙම තිබුන මෙඩිකල් සෙන්ටර් එකේදි ඉතාමත් දරැනු ගනයේ වෛද්‍ය පරීක්ෂණයකට භාජනය කිරීමට නියමිතව තිබුනා.
මේ කියන මෙඩිකල් සෙන්ටර් එක තිබුනෙ කැම්පස් එක ඇතුලෙ එයටම වෙන් වෙච්ච ගොඩනැගිල්ලක. තලන්තෑනි වයසේ වෛද්‍යතුමෙක්, වයස තිස් ගණනක පමන සිත් ලගන්නා පෙනුමැති වෛද්‍යතුමියක්, හෙදියක් සහ තවත් සුලු සේවක සේවිකාවන් කිහිපදෙනෙක් මේකෙ සේවය කලා. වෛද්‍ය මධ්‍යස්ථානය පිහිටුවීමේ නාමික අරමුණ සිසුන්ට ලෙඩට බෙහෙත් දීම වුනත් ජෝං බාස්ට තේරැනු හැටියට මේකෙ යටි අරමුන වෙලා තිබුනෙ සටකපට විශ්ව විද්‍යාල සිසුන්ගෙ හොර ලෙඩ අල්ලා ගැනීම.
දේශන වලට පැමිනීමේ මදිකම, විභාග වලට පෙනී නොසිටීම වගේ දේවල් වලට හේතු හැටියට රට වටෙන් ගේන වෛද්‍ය සහතික මේ තැනට දීලා සහතික කරගැනීම අනිවාර්යයි. ඉතින් වි.වි පාලන අ‍ධිකාරිය විසින් හැමෝටම මෙතන ලියාපදිංචි වීම අනාවාර්ය කරලා තිබ්බා. ඉතිං මෙන්න මේ ලියාපදිංචි කරගැනීම සඳහා තමයි මේ පරීක්ෂනේ ලෑස්ති කරලා තිබුනෙ. අපේ රෙපා වෙච්ච වන්නියා තමන්ට දැනගන්න ලැබුන හැටියට මේ ගැන පොඩි විස්තරයකුත් ඉදිරිපත් කලා. කට්ටිය වඩාත් කලබල වුනේ මේ විස්තරයෙදි කියවුන හර්නියා පරීක්ෂනේ ගැන අහලා.
මේ වෙලාවෙදි කොහෙදෝ ගිහින් මිසිං වෙලා ඉඳපු අපේ කන්ඩායමේ සාමාජිකයෙක් වෙච්ච ආනාට පස්සෙ වෙලාවක පොළා විසින් සිද්දිය විස්තර කරේ මෙන්න මෙහෙම.
“ දැං උඹ රෑම් එකට ගිය ගමන්ම ඩොකා උඹට කියනවා කලිසම ගලවන්න කියලා“
“ ඇ.....“
“ඔව්...... ඊට පස්සෙ උඹට යට එකත් ගලවන්න වෙනවා...... “
“ පල යන්න..................“
“ හරි ....බොරැනම් අහපං වන්නියා ගෙං......බොරැනං දැං අහපං............“
මඳ කම්පනයට පත්වු ආනාට තම වඩාත්ම විස්වාසනිය සගයෙකු මෙන්ම කන්ඩායමේ රෙපා වන වන්නියා දෙස බැලුනේ ඉබේටම. නමුත් සියලු බලාපොරොත්තු සුනුවිසුනු කරවමින් වන්නියාගෙන් ලැබුනේ පොළාගේ ප්‍රකාශය සනාථ කරන ආකාරයේ බැල්මක්.
“ දැක්කනෙ.....ඊට පස්සෙ තමයි දරැනුම සීන් එක .........ඩොකා ඊලඟට උඹට කියනවා කහින්න කියලා.......“
“ ..ඩොකාට සයිකොද...???“
“ එහෙම තමයි.......... දැං කහිනකොට අරක උඩට ගිහිං ආපහු තිබිච්ච තැනට ආවොත් අවුලක් නෑ.“
“ ආවෙ නැත්තං..........???? “
“ නැත්තං තොට හර්නියා කියලා එවෙලෙම හොස්පිට්ල් පටවනවා..........“
පොළා සිද්දිය විස්තර කරේ ටිකක් සැරට වුනත් අපිට දැනගන්න ලැබිච්ච ඇත්තම නිව්ස් එකෙත් තිබුනෙ මේ වගේම දෙයක්. එදා සවස් කාලයේ දී ආනා කිසිවෙකුට හට දකින්නට නොලැබුන අතර ආනාගේ බොඩිමේ වැසිකි‍ළිය තුලින් දින කිපයක් යන තුරැ විටින් විට කිසිවෙකු කහින ශබ්දයක් ඇසුන බව පසුව ආරංචි වුනා.
...................................................................
පහුවදා ඉඳන් මේ අරැම පුදුම වෛද්‍ය පරීක්ෂනේ ගැන අලුත් අලුත් ආරංචි ගලාගෙන ආවා. මුලින්ම මේ ගැන හොයාගෙන තිබුනෙ නසියර්.
“ මේ මල මගුලයි ඕයි........අන්න ඩොකිත් කොල්ලොංව චෙක් කරනවලු. අපේ බෝඩිමේ ඉන්න සින්නෙක් මට කිව්වෙ. මං හිතං හිටියෙ කොල්ලොංව ඩොකා ගාවට දායි කියලා. “
“ නෑ................... ඉතිං හොඳයිනෙ බං......“
කවදත් ඩර්ටි හිත තිබිච්ච මැක්කාට ෆුල් ජොලියක් ගියා.
“ හොඳයි.......??? යකෝ මං මේ බයේ ඉන්නෙ අරකි ගාවට ගිහිං කලිසම ගලවනකොට මොනවයිං මොනවා වෙලා තියෙයිද දන්නෑ......“
“ මොනා වෙන්නද මල්ලි නැගිටලා ඉඳියි වැඩිම උනොත්......... “
“ ඉතිං ඕයි ......එහෙම උනොත් මං චාටර් නෙ...මගෙන් අහයි මේ මොකද මේ කියලා“
“ඉතිං ගෑනියෙක් ඉස්සරහ නෙ බන්..... අවුලක් නෑනෙ. දැං හිතපං ඔය දේ බැරි වෙලා හරි අර නාකි ඩොකාගෙ ඉස්සරහ වුනොත් ඉ‍ඳලා වැඩක් නෑනෙ.......මම නං යන්නෙ ඩොකී ලඟට“
මැක්කගෙ අදහස කොහෙම වුනත් කට්ටියට මේ‍කෙන් පස්සෙ තවත් භීතිකාවක් ඇති වුනා. ඒ තමයි “නැගීමේ බිය“.
.........................................................................................................
කාලය බියෙං සැකෙන් ටිකෙන් ටික ගෙවිලා ගිහින් ඔන්න කලිසම ගලවන දවස හොඳටම ලං වුනා. හරියටම අදාල දවසට කලින් දවසෙ හැමෝටම එක ගානේ ගන්න කියලා ලැබුනෙ මෙඩිකල් සෙන්ටර් එකෙන් එවලා තිබුන ෆෝම් එකක්. ඔන්න ඹ්ක දැකලා කට්ටියගෙ නැගලා තිබුන ෆ්‍රෙෂර් තවත් වැඩිවෙන්න ගත්තා. මොකද ඊලඟ දවසෙ චෙක් කරන අංගොපාංග ලයිස්තුවම මේකෙ තිබුන නිසා. සමහර වචන කට්ටිය ඒ දවස් වල දන්නෙත් නෑ.
“ මොකක් ද බං anus කියන්නෙ....? “
“ ඒ කියන්නෙ අධෝ මුඛයනෙ බන්...... ඇඃ.....ඒකත් තියවද ලිස්ට් එකේ....? “
“ තියනවා යකෝ .....පුක නෑස් වෙනවා..... ඇඟලි ගැහිල්ලකුත් සෙට්වෙන්නටයි යන්නෙ.....“
“ තත්වෙ අන්තිම දරැනුයි.........කව්රැ ලඟට දැම්මත් වෙනසක් නෑ වගේ බං.......“
ඇත්තටම ජෝං බාස්ටත් මේක අහල හින් දාඩිය දැම්මා. මං මෙතෙක් වෙලා නොසැලකිල්ලෙන් පොත් අස්සෙ දාගෙන හිටපු පෝරමය ඇදලා අරගෙන කෙලවරක ඉඳන් කියවන්න ගත්තා. .............මේ තියන්නෙ දිලිසි දිලිසි...... anus, penis, testes .....දන්න කියන අවයව ටික ඔක්කොම ලැයිස්තුවෙ තියනවා. දැං කට්ටියට තේරෙන්න ගත්තා තත්වය තමන් හිතං හිටියටත් වඩා සැහෙන්න බරපතල බව. ජෝං බාසුත් එදා ගෙදර ආවෙ සෑහෙන්න බරක් හිතේ තියාගෙන. කොටින්ම කියනවා නම් එදා නින්ද යනකලුත් මේ ගැන කල්පනා කරකර හිටියා වගේ මතකයි. පෙන්නන එක නම් මදෑ තව ඇඟලි ගහන්නත් දීපල්ලකො...........චැහ් ....නරක කාලයක්ද කොහෙද...........
වෛද්‍ය පරීක්ෂණය දා මොකද වුනේ........??????? ඊලඟ කොටසින් බලාපොරොත්තු වන්න.............
No comments:
Post a Comment